Freud · Love · Movies

電影心理學:明明鍾意卻表現相反

收睇「Stephanie 電影心理學」: https://www.youtube.com/watch?v=ZDIe_orOW4s 今次「Stephanie 電影心理學」要同大家講嘅電影, 原來已經有14年歷史, 雖然係2003年嘅作品 ,但自從上影之後, 每年嘅聖誕節好多人 都會重提呢一套電影,甚至拎返隻碟出嚟睇。呢套電影就係「Love Actually 真的戀愛了」。 呢套電影係由幾個小品故事組成  有愛情、友情、親情。今次要講嘅係呢一個小品故事。故事係咁嘅: Mark 同埋 Peter 係死黨 。Peter結婚啦,Mark當然係伴郎,仲做埋 camera man 負責揸機拍低婚禮過程。Peter嘅新婚太太 Juliet,想睇返結婚當日嘅錄影片段,但係Mark一直唔肯比返套影片Juliet。 終於,Juliet 忍唔住衝上去Mark屋企,問 Mark 點解一直咁唔憎自己,點解一直都唔瞅唔睬,眼尾都唔會望下自己,係唔係因為自己同 Peter 拍拖然後結婚,就等如搶左 Mark 嘅死黨?Mark 當然推搪話唔係,只不過搵唔到婚禮嘅影片啫。點知比 Juliet 一摷就摷到出嚟。Juliet 好開心,仲即刻要睇套影片睇下自己結婚當日有幾靚嘛。點知一睇個video,Juliet 就發現, Mark一直都剩係影住自己。果一刻,Juliet 先至知道原來Mark唔係憎自己,而係一直暗戀自己。 Mark 明明鍾意Juliet, 照計 應該對 Juliet 特別好先至係㗎嘛 ,但係,點解會相反, 對Juliet特別差,唔睬唔理,眼尾都唔望? 我哋可以用佛洛伊德嘅 defence mechanism 嘅其中一種「心理防衛機制」reaction formation「反作用」去解釋。 Reaction formation 嘅意思就係,做出與內心相反嘅行為。 咁點解會做出相反行為呢 ?因為當我地,接受唔到自己係一個咁樣嘅人,內心會出現焦慮不安, 潛意識做出相反嘅行為,令自己,同埋其他人,都覺得自己唔係一個咁樣嘅人。 用番 Mark 嘅例子去解釋,佢明明係鍾意 Juliet,但係與此同時,自己嘅死黨Peter,都同時鍾意 Juliet,Mark 接受唔到自己同死黨爭女仔,覺得自己唔應該做埋啲咁樣嘅嘢,內心出現焦慮不安。為咗減低 呢d 焦慮不安,Mark… Continue reading 電影心理學:明明鍾意卻表現相反

Freud

Psychosexual stages of development

昨天是 11 月 11 號 Remembrance Day,睇到以下 post 嗰句「那些口腔期國家」真係笑左。不如等我講下咩叫做口腔期啦。

https://www.facebook.com/readbeforeuspeak/photos/a.1497734167145399.1073741833.1490131274572355/1937543099831168/?type=3&theater

 

根據 Sigmund Freud 佛洛伊德嘅 psychosexual stages of development,人類成長發展有以下5個階段:

  1. Oral stage 口腔期,大約由出世至2歲,呢個階段快感來自嘴部,即是bb仔鍾意食嘢,啜奶咀,令到佢哋覺得安慰,同埋有安全感。
  2. Anal stage 肛門期,大約由2歲至3歲,呢個階段快感來自肛門,因為呢個階段係 toilet training,小朋友學習忍住便便唔好賴,去到洗手間就要放鬆放便便出嚟啦。 通常大人會覺得早戒片嘅小朋友就係叻,而有啲幼稚園都唔介意收細仔,如果細仔已經戒片的話。即是,小朋友在呢個階段,要開始學習幾時忍耐,幾時可以放出嚟。
  3. Phallic stage 性器期,大約由3歲至6歲,呢個階段嘅快感就係來自性器。有時見到小朋友會不自覺接觸自己身體嗰個部位。
  4. Latent stage 潛伏期,大約有6歲至12歲,呢個階段嘅小朋友學習有啲動作唔可以喺大庭廣眾嗰度做。而呢個階段係小學,小朋友面對好多功課,又要學習興趣班,建立學業以外的一啲技能,亦要學習社交、禮貌、禮儀等等。
  5. Genital stage 生殖期,由青春期開始直到老死都係呢個 stage 架啦。青春期開始 以後,快感制來自性關係。

 

而佛洛伊德話,人有機會 “kick住咗” 喺以上某個階段,叫做 fixation,即是一直停留喺嗰個階段,影響性格及做成心理疾病。

 

點解會 “kick住咗” 呢?

如果喺某個階段得唔到滿足,人就自然想停留喺嗰個階段,希望得到多啲滿足。或者,某個階段做得唔好,比大人鬧或比其他小朋友笑,人內心就出現 anxiety。例如遲戒片,或大個都賴尿,就會比大人鬧或比其他小朋友笑,內心出現不安。相反,在某階段過份得到滿足,人亦都想停留喺嗰個階段,因為樂而忘返。

 

“kick住咗” 喺唔同階段又會點呢?

  1. Oral stage 口腔期:鍾意咬野,例如咬筆,趙香口膠,食煙,食野,好多野講。性格一係好唔成熟,好易受騙,一係好鍾意操控別人。
  2. Anal stage 肛門期:如果在 toilet training 時,小朋友賴左,大人非常嚴厲管教甚至懲罰,小朋友嘅性格會變得過分拘謹,死板,固執,一成不變,甚至有潔癖。相反,如果大人過份放縱唔會管教,尤得小朋友賴咪賴囉,小朋友嘅性格會變得做事混亂,雜亂無章,粗心大意,冇規矩,目中無人。
  3. Phallic stage 性器期:男性會有戀母情意結 Oedipus Complex,而女性會有戀父情意結 Electra Complex。By the way, 有時無分得咁細,無論戀父定戀母,有時都會簡單叫 Oedipus Complex 就算。
  4. Latent stage 潛伏期:未能在性方面得到滿足。
  5. Genital stage 生殖期:冷感或唔得,同埋唔滿意與伴侶關係。

 

呢啲嘢,都係佛洛伊德講㗎咋,唔係我講㗎。

 

Freud · Personality · Stress

關於 Zeigarnik Effect 一問

聽眾來信問及關於 Zeigarnik Effect, 以下是問題及答案:

1) 問題:咁多成年人鐘意買/收藏玩具,仲要整個柜展示,又係唔係因為未完成的夢 (小時候買不到!)。
答案: 有機會係。但亦有機會主因唔係『Zeigarnik Effect 未完成的夢』。而係因為內心不安全感、冇自信,所以要搵啲嘢嚟填補心靈上面嘅欠缺,所以儲儲埋埋好多嘢,例如玩具。

例如集郵,就未必因為『Zeigarnik Effect 未完成的夢』。我覺得因為以前有一封信,無疾而終消失咗,而令到今時今日要集郵嘅機會比較低。

講開集郵,我諗到另外嘅原因,佛洛伊德的『自我防衛機制』入面嘅其中一種:『反作用 reaction formation』。因為內心接受唔到自己係一個咁樣嘅人,所以做出黎行為就同內心諗嘅相反。 例如,接受唔到自己係同性戀,所以行為上,就同好多異性發生關係,跟住仲要影相集郵,黎到證明比自己睇,自己咁多異性伴侶,當然係鍾意異性,而唔係鍾意同性啦。

佛洛伊德嘅『自我防衛機制』另外一種叫做:『補償compensation』。例如,發現自己爸爸原來係同性戀者,接受唔到事實,自己就同好多異性發生關係,黎到補償爸爸唔鍾意女性,再收集埋與異性影埋床照,集郵,以補償自己內心的缺失。

『情況如有雷同,實屬巧合』

其實,適當程度嘅儲野,當興趣玩下,儲少少,無可厚非。只要唔影響其他人、自己的生活、工作、人際關係、人身安全、財政、負面後果比較細等等…,冇乜太大所謂。

但如果內心空虛,無論點樣儲,都唔會儲到可以解決內心嘅空虛、欠缺,而不安全感仍然繼續,所以 一味儲嘢,儲極都唔夠。

咁就有機會成為儲物狂,hoarding。根據 DSM 5,是『OCD 強迫症』嘅一種。

 

2) 但点解我又冇呢樣習慣?好多成年女子又冇?

答案:所謂,一樣米養百樣人,心理學叫做 『individual differences』,每個人都有自己嘅性格特質,有唔同的心理因素,而且每個人都有唔同嘅問題,或者問題唔係喺儲野,而係喺其他方面表現出來都唔出奇。在世上,是無人無問題的。

相反,有時同一個心理原因,都會有唔同嘅『manifestation 表徵』,即是表面嘅行為唔同。例如,見到陌生人,或者去到陌生環境,而內心出現不安。有啲人會好靜,睇落佢唔係咁能夠適應新環境。相反,另外有啲人,好似開籠雀咁好多嘢講,仲要好似花蝴蝶咁成場周圍飛,表面睇落呢種人應該唔怕醜,非常能夠適應環境啦,但係啱啱相反,呢種出奇地多嘢講及離奇地周圍 socialise 嘅表徵,往往就係內心不安嘅表現。雖然大家內心也是對陌生產生不安,但表徵就有好明顯分別。另外,後者通常自信比較低,用嘅『自我防衛機制』都比較多,亦唔係咁喜歡自己,唔係咁認識自己,或唔係咁能夠承認自己的問題。如果唔係,都唔洗內心感覺同表面行為差咁遠啦,因為佢地自己不能承受自己內心的不安嘛。

 

3) 又或者小時候已經有那種玩具,但不間斷咁買?

答案:小朋友腦部發展的時候,會比較想有『stimulation 刺激』, 佢哋都有一個傾向,就係喜歡重複鍾意嘅嘢。例如,聽兒歌要聽好多次都唔厭,睇迪士尼卡通睇好多次都唔厭。所以兒歌通常都係節奏簡單, 而且重複又重複。

Freud

Freud Museum II

我去 Freud Museum 當天是69號,夏日陽光普照曬到前園艷麗翠綠的花草上,令我在門口欣賞了好一陣子才入去拜訪兩位心理的一代宗師 Sigmund Freud 繼承父業的出色女兒 Anna Freud。

P_20160609_123534

入到去首先要直入位於全屋最入的 shop 買 admission ticket,因為我及朋友也是 full-time students,只要出示學生證,我們便可以買優惠票。大意的我卻留了學生證在 Manchester 的宿舍,但博物館的員工十分大方,我讓他看 saved 在 online driver 的學校證明信也讓我享有學生優惠。

Shop 的出面是後園,有枱凳可以休息。在地下那層有飯廳、Sigmund Freud 的工作室,與及他的收藏品。

IMG_0707

原來他很喜歡希臘、埃及、羅馬、及東方的古董。

IMG_0716

令我看得目不轉睛的有兩樣東西,第一樣當然是精神分析學派的貴妃椅,第二樣是一位我很崇拜的畫家畫 Sigmund Freud 的畫。

IMG_0712

一提到 Sigmund Freud 對心理學的影響,那貴妃椅是必提的工具,無數病人躺在那貴妃椅上,隨意說出心中所想。在現代,我們不覺得有何特別。但試想想,在17至18世紀當時,甚麼人有能力負擔一星期幾次會面的費用,還有些病人接受他治療長達數年?只有富裕及有時間的人才可以負擔得起。所以找 Sigmund Freud 的都是上流社會的人。而他們的生活圈子都習慣了隱藏真心話,久而久之便做成很多壓抑1。他們找 Sigmund Freud 便可以盡訴心中情,把平日不能說的秘密都和盤托出。

IMG_0714

在貴妃椅旁有張凳,Sigmund Freud 就坐在那凳聆聽、紀錄及分析病人在 Free Association 下的說話。Sigmund Freud 專登坐那張凳,讓病人不會直接看到他,令病人可以隨心所欲說話。

1 repression,是防衛機製 (defense mechanism) 的一種。

前傳,可瀏覽 Freud Museum I

Freud

Freud Museum I

要去位於倫敦的 Freud Museum,可以乘 Underground1 去到 Finchley Road 站,出了 Underground,地面馬路旁已經有路牌指示 Freud Museum 了。

P_20160609_123139

沿著 Trinity Walk 斜路行上去,上到 Maresfield Gardens 轉左走,不用5分鐘,Freud Museum 就在你右手邊。

P_20160609_123211

這博物館原是 Sigmund Freud 及家人居住的地方。他們在 1938 年為逃避納粹黨,由奧地利逃走到倫敦時便開始住。他翌年過世,而女兒 Anna Freud 一直住到 1982 年過世。

IMG_0705

Freud 一家逃走時,慶幸有機會帶了他們在奧地利家的 Biedermeier 式的傢俱一起,讓他們可以把倫敦的家佈置得像在奧地利的家一樣。而最值得一提的傢俱,當然是那張代表著 talk therapy 始祖2 的「精神分析學派貴妃椅」啦!看著那張椅,我仿佛回到17至18世紀,Freud 以「自由聯想」3 方法,叫病人躺在椅上盡管說出心中所想,Freud 亦會以「夢的分析」4 方法,以了解病人的「欲望」5、及「內在矛盾」6 等。

IMG_0711

 

要知道地址,開放時間及門票價錢等,請到網址:https://www.freud.org.uk/

下集:Freud Museum II

 

1 即香港的地鐵

2 Sigmund Freud 是第一位有系統地叫病人說話以治療心理與生理疾病的醫生及心理學家

3 Free Association

4 Dream Analysis

5 libido

6 internal conflict