Relationship · Social Psychology · Uncategorized

化妝心理學

原來化妝都有心理學

1. 搽紅色唇膏:研究發現,搽紅色唇膏,會令男士覺得你更加吸引。另外在酒吧的研究顯示,搽紅色唇膏的女士,會快些有男士接近。另外亦有研究發現,搽紅色唇膏的女士比起沒有搽唇膏、搽啡色唇膏、或者是搽粉紅色唇膏的女士,更加快些有男士接近。

2. 最緊要搽粉底:研究發現,男士覺得搽咗粉底的女士,比起沒有搽粉底的女士,更加吸引。可能因為粉底的功效可以遮瑕,亦令膚色更加均勻,因為皮膚好是健康的表現,所以男士品評有搽粉底的女士比較吸引。

3. 最緊要畫大啲對眼:大眼睛細鼻哥會令人覺得年輕啲,而男士都比較喜歡年輕的女性,所以畫大啲對眼,會令男士覺得你年輕啲。但係不要太過濃妝。

4. 紅色胭脂:淡淡的紅色胭脂會令女士望落去精神啲,而面色紅潤亦是健康的象徵。同樣,不要太過濃妝,否則就變成馬騮 pat pat。

5. 化妝令人留下好印象:研究發現,有化妝的女士會令人覺得健康啲、更有自信、及賺錢高過沒有化妝的女士。即是有化妝的女士會比較吸引。

強調,化妝只是讓你看來健康啲、精神啲,所以要點到即止,不是化小丑妝。

Uncategorized

好的老師要懂得鼓勵學生

​好嘅老師真係好重要。所謂好,係嗰個老師識得鼓勵學生,識得話畀個學生聽佢有乜嘢優點,當個學生有做得唔好嘅時候,個老師會話畀個學生聽點樣去改善,指示清晰,有耐性,循循善誘。而唔係鬧佢,唔係踩低佢,唔係淨係識話畀個學生聽佢嘅缺點。 有一個跨文化研究是這樣的,日本的學生是出爐鐵,要鬧佢哋,要踩低佢哋,要話俾佢哋聽佢哋好差,佢哋先至會努力。但西方教育普遍傾向鼓勵學生,話畀學生聽佢哋嘅優點,教佢地放大自己的優點,改善自己的缺點,教佢哋要相信自己嘅能力,先至可以勇往直前,向目標邁進。 我比較傾向喜歡西方的教育,因為在心理學入面有樣野叫做self-fulling prophecy。即是話,如果你唔相信自己嘅能力,你好自然就唔會努力。相反,如果你相信自己嘅能力,你就會好努力向前進,因為你相信自己可以達到成功。 但係我唔贊成父母淨係一味識得讚佢哋嘅小朋友叻。當你要讚小朋友的時候,你應該要讚賞他們的努力,同埋你要講得出佢哋辛苦努力的過程,你要講得出佢哋做過啲乜嘢。咁樣,小朋友就知道你的讚賞不是敷衍,而是有細心觀察他們的付出。 我好幸運在我嘅生命入面遇到幾個好好嘅老師,有兩個在香港,有幾個在英國。因為有佢哋嘅耐心教導,有佢哋嘅支持鼓勵,所以我先至有今日可以讀到博士課程,我真係好多謝佢哋。