Holistic development

《Missing Piece Meets The Big O》

《Missing Piece Meets The Big O》雖然係兒童讀物,但又有幾多個成年人明白當中道理。

Missing Piece 坐喺度等人帶佢走。 佢遇到唔同嘅人:
– 有夾嘅人,但係唔可以一齊向前
– 有可以帶佢向前嘅人,但係兩個人唔夾
– 有人唔識互相遷就
– 有人太脆弱
– 有人一遇到挫折,冇諗住去解決,就放低 Missing Piece,自己走
– 有人自己本身太多缺失,根本填補唔到
– 亦有人太濫、只想最緊要就手、或者太急進
– 又有人已經搵到拍檔向前行,冇注意 Missing Piece 嘅存在
– Missing Piece 嘗試做啲嘢吸引別人注意, 但唔成功
– 佢再嘗試誇張啲去吸引別人,但係嚇走咗怕醜嘅人

佢終於搵到一個同佢夾,又可以帶住佢向前嘅人。日子久了,Missing Piece 漸漸長大,佢哋兩個開始唔夾。 終於有一日對方話冇諗過佢會長大,當然 Missing Piece 自己都冇諗過。但係人始終會因為長大而改變。 對方想搵一個唔會長大同埋改變嘅人,所以對方就走咗啦。

有一日,有一個與別不同嘅人出現。Missing Piece 問對方:「有咩可以效勞?」
對方答:「無。」
Missing Piece 再問:「 咁你需要我做啲乜嘢?」
對方答:「無。」
Missing Piece 問對方叫咩名,對方話自己叫「Big O」。
Missing Piece 話:「 你就係我一直等緊嘅人。或者我就係你嗰塊缺失嘅一角。」
但 Big O 話:「 我冇缺失,所以冇位畀你。」
Missing Piece 好失望,問:「 咁我可唔可以同你一齊向前。」
Big O 一口拒絕,但係提議 Missing Piece可以自己向前。
Missing Piece 唔相信自己嘅能力可以唔靠別人自己獨立向前。
Big O 反問佢有冇試過?
Missing Piece 解釋話自己有太多稜角,而且無條件可以向前。
Big O 話:「 稜角可以磨平,跟住形狀就會轉變。我要走啦,或者將來我哋有機會再見。」

Missing Piece 又再一次自己一個坐喺度,一坐就坐咗好耐。 佢決定嘗試用自己嘅力量向前,雖然辛苦但仍然努力。慢慢地佢嘅稜角開始變圓,佢繼續堅持,形狀開始慢慢變圓。佢由最初笨拙,變成憑自己嘅努力獨立向前。

佢真係再次遇見 Big O,今日嘅 Missing Piece 唔再需要等別人帶佢走,而係可以同 Big O 手拖手肩並肩,自立並自豪地與 Big O 一齊向前。 唔係一個依賴嘅關係,而係互相扶持互相鼓勵向前進。

Advertisements
PhD Journey

像糖果屋般的書店

 

同我去倫敦那位朋友推介這本書,不知道你們有沒有看過呢?英國買書比香港平,這本書只不過是£3.79,大約是HK$40。

P_20160613_150543

無論如何不捨得英國,我也要離開了。剛剛開始收拾行李,就慨嘆自己為何那麼衝動要買書,帶書返香港很重的嘛!本以為我是貪平所以才買,但當我回想自己的行為,我應該是真喜歡書才買,而不是因為價錢而買。

記得在倫敦時,因為我們逛的時裝店都很大,而且他有他逛男裝,我當然行女裝,所以朋友會叫我半小時後在門口集合。而我,一定準時半小時前便站在門口乖乖等他,絕不遲到。

但在倫敦最後一天,我準時的美譽卻毁在書店手上。

我們往火車站離開倫敦之前還有少少時間,而剛好經過書店,他很好的提議我可以進去逛逛打發時間。他如常叫我半小時後在門口集合。那書店有三層的大,我逛得完全忘了時間,如不是他睜眼像要噴火的看著我,也許我會趕不到火車,要在倫敦留多一夜了。

書店的每本書我也有興趣嗎?不是。我只是對書的好奇心很重,總是想每本也拿出起看看封面設計封低介紹,總是想每本書也翻幾頁看幾眼內頁。對書,就是八卦,尤其在英國的書店都比較大,令我像是入了糖果屋般被黏著走不出來。

逛書店總比逛時裝店吸引。

就是這書店,叫我怎麼捨得離開:https://www.facebook.com/foylesforbooks/?fref=ts